საკონსტიტუციო სასამართლო
საქართველოს საკონსტიტუციო სასამართლოში „უცხოური გავლენის გამჭვირვალობის შესახებ“ კანონის წინააღმდეგ სარჩელების თაობაზე განმწესრიგებელი სხდომა დასრულდა. სამდღიანი პროცესი, სადაც სასამართლომ სარჩელის დასაშვებობაზე იმსჯელა, დღეს დასრულდა. დღევანდელ სხდომაზე მარინე ბერიძემ, ენათმეცნიერმა, ისაუბრა კანონთან დაკავშირებით ჩატარებულ ლინგვისტურ კვლევაზე და უპასუხა მხარეებისა და მოსამართლეთა კითხვებს. მოსარჩელე და მოპასუხე მხარეებმაც უპასუხეს მოსამართლეების კითხვებს და ერთმანეთსაც დაუსვეს შეკითხვები. სხდომის ბოლოს, თითოეულმა მათგანმა სასამართლოს შემაჯამებელი სიტყვით მიმართა. გუშინ კი სასამართლომ იუსტიციის სამინისტროს წარმომადგენელს მოუსმინა. როდის მიიღებს საკონსტიტუციო სასამართლოს პლენუმი გადაწყვეტილებას სარჩელების არსებითად განხილვის თაობაზე, ჯერ უცნობია. დღევანდელი სხდომის დასასრულს, საკონსტიტუციო სასამართლოს თავმჯდომარე, მერაბ ტურავამ განმარტა, რომ „სასამართლო აქტის მიღების შესახებ მხარეებს ეცნობებათ დამატებით“.
წყაროები: Interpressnews
ეკლესიის სტატუსი
პროტოპრესვიტერი გიორგი ზვიადაძე „ფორმულასთან” ამბობს, რომ ეკლესია ხელისუფლებას შეუთანხმდა, საქართველოს კონსტიტუციას დაემატოს ჩანაწერი, რომ „საქართველოს მართლმადიდებელი ეკლესია არის ქართული სახელმწიფოების საყრდენი”. ზვიადაძის განცხადებით, კვლავ მიმდინარეობს კონსულტაციები და შესაძლოა, სიტყვა „საყრდენი” „განმსაზღვრელით” ან „საფუძვლით” ჩანაცვლდეს. ეკლესიასა და ხელისუფლებას შორის არის თანხმობა, კონსტიტუციაში აისახოს მართლმადიდებელი ეკლესიის როლი. ცვლოლება ქვეყნის მთავარი დოკუმენტის მე-8 მუხლში უნდა შევიდეს, რომლითაც სახელმწიფოსა და საქართველოს სამოციქულო ავტოკეფალური მართლმადიდებელი ეკლესიის ურთიერთობა რეგულირდება. 30 აგვისტოს გაიმართა შეხვედრა, სადაც ამაზე შეთანხმება შედგა. ხელისუფლების მხრიდან მას პრემიერ-მინისტრი ირაკლი კობახიძე ესწრებოდა, საპატრიარქოს მხრიდან კი თავად გიორგი ზვიადაძე, პატრიარქის მოსაყდრე შიო მუჯირი, მთავარეპისკოპოსი თეოდორე ჭუაძე, პატრიარქის მდივანი მიქაელ ბოტკოველი და საპატრიარქოს საზოგადოებასთან ურთიერთობის სამსახურის ხელმძღვანელი ანდრია ჯაღმაიძე. ზვიადაძემ „ფორმულასთან” თქვა, რომ შეხვედრაზე ირაკლი კობახიძემ კიდევ ერთხელ შესთავაზა მართლმადიდებლობის სახელმწიფო რელიგიად გამოცხადება. ეკლესიის ერთმნიშვნელოვანი პოზიციაა, რომ საქართველოს მართლმადიდებელ ეკლესიასა და სახელმწიფოს შორის კონსტიტუციური შეთანხმება ძალაში უნდა დარჩეს.
წყაროები: Publika
პოლიტიკური აქტივობა
„ერთიანი ნაციონალური მოძრაობის“ თავმჯდომარის მოადგილე იგორ ნარმანიამ განაცხადა, რომ საქართველო უნდა იყოს გამარჯვების ზენიტში და დარწმუნებულია, რომ ეს გამარჯვება 26 ოქტომბერს დაიწყება სამეგრელოდან. ნარმანიას თქმით, ზუგდიდი და სამეგრელო იტყვის გადამწყვეტ სიტყვას და იქნება მთავარი ფლაგმანი 26 ოქტომბრის გამარჯვებაში. „ერთიანი ნაციონალური მოძრაობის“ თავმჯდომარემ, თინა ბოკუჩავამ, სამეგრელოში, სოფელ დარჩელში „ერთიანობა - ნაციონალური მოძრაობის“ ოფისის გახსნისას განაცხადა, რომ ის დარწმუნებულია, რომ 26 ოქტომბრის ისტორიულ არჩევნებზეც სამეგრელო კვლავ იტყვის თავის განსაკუთრებულ სიტყვას. ბოკუჩავას თქმით, რეგიონებში ადამიანები წუხან იმის გამო, რომ არ არის სამუშაო ადგილები, მაგრამ ფასები კატასტროფულად ყოველდღიურად იზრდება. „ერთიანობა - ნაციონალური მოძრაობის“ გენერალურმა მდივანმა, პეტრე ცისკარიშვილმა განაცხადა, რომ არჩევანი საქართველოს მოქალაქეებისთვის არის მარტივი - კეთილდღეობა ევროპაში თუ სიღატაკე და იზოლაცია. ცისკარიშვილის თქმით, არანაირი დასავლეთი აქ აღარ იქნება, დასავლეთმა ივანიშვილს და „ოცნებას“ უკვე წერტილი დაუსვა. ყველა ელოდება 26 ოქტომბრის არჩევნებს.
წყაროები: Interpressnews Interpressnews Interpressnews
„უცხოური გავლენის“ კანონი
კვირას, 1-ელ სექტემბერს, იუსტიციის სახლის ფილიალებში „უცხოური გავლენის გამჭვირვალობის შესახებ“ კანონის მოთხოვნის შესაბამისად, განაცხადის ჩაბარება შესაძლებელი იქნება. დაინტერესებულ პირებს/სუბიექტებს იუსტიციის სახლის ფილიალებს შეუძლიათ მიმართონ 10:00 საათიდან 17:00 საათამდე, საქართველოს 30 ქალაქში. ორგანიზაციებისთვის შესაბამის რეესტრში დარეგისტრირების ვადა მიმდინარე წლის 2 სექტემბრის ჩათვლითაა განსაზღვრული. არნოლდ ჩიქობავას სახელობის ენათმეცნიერების ინსტიტუტის დირექტორი, ნანა მაჭავარიანი აცხადებს, რომ საკონსტიტუციო სასამართლოს სხდომაზე რუსული კანონის მოსარჩელეების მიერ მიწვეული ენათმეცნიერის, მარინა ბერიძის მიერ გამოთქმული მოსაზრებები არ შეესაბამება ინსტიტუტის პოზიციას. მაჭავარიანის თქმით, „ის საკითხები, რაზეც მარინა ბერიძე საუბრობდა, უფრო ფსიქოლოგიურია, ვიდრე ენათმეცნიერული, ვინაიდან ის, თუ როგორ აღიქვამს გარკვეულ შესიტყვებას ადამიანი, არის მისი განწყობის საქმე”. მან ასევე განაცხადა, რომ „არასწორად იყო შერჩეული პროფესიაც და პიროვნებაც”. ენათმეცნიერი მარინა ბერიძე საკონსტიტუციო სასამართლოში რუსული კანონის მოსარჩელეების ინტერესების შესაბამისად წარდგა. მან ისაუბრა იმის შესახებ, თუ როგორ შეიძლება, კანონის სახელი „უცხოური გავლენის გამჭვირვალობის შესახებ” იყოს სტიგმის მიმნიჭებელი იმათ მიმართ, ვიზეც ეს კანონი ვრცელდება, იმის მიუხედავად, რომ მასში ვერ ვხვდებით სიტყვა „აგენტს”.
წყაროები: Interpressnews Publika
პარტიების რეგისტრაცია
26 ოქტომბრის საქართველოს პარლამენტის არჩევნებისთვის პოლიტიკური პარტიების რეგისტრაციის პროცესი დასრულდა. ცესკოს ცნობით, ამ დროისთვის 27 პარტიაა რეგისტრირებული. 26 ოქტომბრის არჩევნებში მონაწილეობის უფლების მისაღებად ცესკოსთვის მომართვის ვადა განსხვავებული იყო. პოლიტიკური პარტიების ნაწილისთვის, რომლებსაც არჩევნების დანიშვნის დროისთვის არ
Comments