რუსული კანონის განხილვა
საკონსტიტუციო სასამართლო დღეს "უცხოური გავლენის გამჭვირვალობის შესახებ" კანონის შეჩერებასა და გაუქმებასთან დაკავშირებული სარჩელის განხილვას იწყებს. სარჩელის განხილვა 11:00 საათზე დაიწყება და საქმეს საქართველოს საკონსტიტუციო სასამართლოს პლენუმი განიხილავს. მოსარჩელეთა არგუმენტაციით, სადავოდ გამხდარი კანონი იწვევს სამოქალაქო ორგანიზაციებისა და მედიასაშუალებების სტიგმატიზაციას, მათი საქმიანობისთვის ხელშეშლას და საბოლოო ჯამში, მათი ფუნქციონირების შეფერხებას ან სულაც შეწყვეტას. მოსარჩელეები ასევე მიიჩნევენ, რომ კანონი ეწინააღმდეგება საქართველოს კონსტიტუციის ძირითად პრინციპებს და აბრკოლებს საქართველოს ევროპის კავშირში გაწევრიანების პროცესს. საკონსტიტუციო სასამართლო განიხილავს პრეზიდენტის, 121 არასამთავრობო და მედიაორგანიზაციის, ოპოზიციონერი დეპუტატების და მედიების: "მთის ამბებისა" და "სტუდია მონიტორის" სარჩელებს. ყველა სარჩელი სასამართლოში გაერთიანდა და მათი განხილვაც ერთ საქმედ მოხდება. მოსარჩელეები ითხოვენ სადავო კანონის მოქმედების შეჩერებას საბოლოო გადაწყვეტილების მიღებამდე.წყაროები: ipn publika
საკონსტიტუციო სასამართლოს მოსამართლეები
საკონსტიტუციო სასამართლოში საკითხს ცხრა მოსამართლე განიხილავს: სხდომის თავმჯდომარე მერაბ ტურავა, ევა გოცირიძე, მანანა კობახიძე, გიორგი თევდორაშვილი, ირინე იმერლიშვილი, ხვიჩა კიკილაშვილი, გიორგი კვერენჩხილაძე, ვასილ როინიშვილი და თეიმურაზ ტუღუში. თუმცა, სხდომას არ ესწრება მოსამართლე ირინე იმერლიშვილი, ჯანმრთელობის მდგომარეობის გამო. ასევე სხდომას არ ესწრებიან "ქართული ოცნების" დეპუტატები ანრი ოხანაშვილი, თენგიზ შარმანაშვილი და არჩილ გორდულაძე. მათ ნაცვლად საკანონმდებლო ორგანოს პარლამენტის აპარატის თანამშრომლები წარმოადგენენ.წყაროები: on_ge publika
მოსარჩელეთა პოზიცია
საკონსტიტუციო სასამართლოში პრეზიდენტს ოთხი წარმომადგენელი, მათ შორის ეკა ბესელია და გიორგი ბურჯანაძე წარმოადგენენ. ეკა ბესელიას განცხადებით, რუსული კანონი უნდა გაუქმდეს, რადგან მისი გაკეთილშობილება შეუძლებელია. ბესელიას თქმით, კანონის შეჩერებით შესაძლებელია შეჩერებული ევროინტეგრაციის პროცესის განახლება. მისი აზრით, საკონსტიტუციო სასამართლოს შეუძლია ამ ზიანის და საფრთხის დანახვა და ქვეყნისთვის აცილება. სახალხო დამცველმაც საკონსტიტუციო სასამართლოს რუსულ კანონთან დაკავშირებით სასამართლოს მეგობრის მოსაზრებით მიმართა. მოსაზრების თანახმად, კანონით დადგენილი რეგულირებებით ორგანიზაციების გარკვეული ჯგუფის გამოყოფა და მათთვის ახალი სტატუსის მინიჭება იწვევს უცხოური დაფინანსების გამო ორგანიზაციების სტიგმატიზებას და მათი საქმიანობის ხელშეშლას.წყაროები: on_ge publika
ოპოზიციის პოზიცია
ოპოზიციური პარტია "ძლიერი საქართველოს" ლიდერების განცხადებით, რუსული კანონის შეჩერება საკონსტიტუციო სასამართლოს შესაძლებლობაა გააკეთოს ის, რაც "ყველა პატრიოტს ევალება". ლევან ცუცქირიძის თქმით, ეს იქნება მოსამართლეების პროფესიული სინდისის მაჩვენებელი. თუმცა, მას საკონსტიტუციო სასამართლოს გადაწყვეტილებასთან დაკავშირებით ოპტიმისტური მოლოდინი არ აქვს. ალეკო ელისაშვილის განცხადებით კი, ხალხი უნდა დაარწმუნონ, რომ რუსეთის სამსახურში მყოფი ხელისუფლების შეცვლა არც თუ ისე რთულია. მისი თქმით, საქართველოს ხელისუფლება დავალებებს პირდაპირ მოსკოვიდან და "ეფესბესგან" იღებს.წყაროები: ipn ipn
Comments